O venres pasado tivo lugar a primeira xornada do III Foro dá Castaña, organizado pola Deputación de Ourense e o Inorde, en Riós. E desde Grupo Cuevas non podemos estar máis contentos co intercambio de ideas, experiencias, aprendizaxes e sinerxias propostas para o sector.
Os principais temas que se trataron no Foro foron as novas medidas para a castaña de Galicia, a situación global dos castiñeiros, o futuro no sector do rural e o proxecto de recuperación de leiras abandonadas. Desde Cuevas e Cía, Rocío Cid, xerente da empresa, tivo a oportunidade de expoñer as necesidades comerciais que atopamos en cada campaña e a importancia que ten adaptarse ás esixencias do mercado actual. Para Rocío, “a nosa castaña é esencial para produtos crave como o marron glacé ou a liña de produtos Cuevas Chef”, polo que é moi importante traballar da man cos produtores para garantir un produto de alta calidade, que cumpra coas expectativas internacionais.
Outro dos aspectos que destacou Rocío na súa intervención foi “a necesidade de recuperar o espazo que tiña a castaña nas dietas das familias e a restauración. As novas xeracións non están afeitas ter este produto nos seus menús, por iso actualmente traballamos con escola de hostalería para que coñezan este alimento tan noso”.
Marron Glacé
